මලක් තුළ බහා ඔබ තබා ගිය විස කටුව
මල සිඹින නියායෙන් ඇනගමි
කලක් ගිය පසුවවත් මතක් වේදැයි බියෙන්
පලක් නැති මතක පැස ගිනිලමි
සඳක් වනු වස් ඔබට රැයක් වූ බව මෙතෙක්
නො කියා ම රැය පහන් කරනෙමි
වරක් දුටු දේදුන්න වේදනා මුස්නකින්
පිස දමා මුව අගින් හිනැහෙමි
දුරක් අපි එන්න ඇති ඒ මගෙහි සිහින ඇති
ඔබ හැරුණු තැන මඳක් නවතිමි
තැනින් තැන ඔබ තැබූ කටු පොකුරු සහ මලක්
එකම එක කඳුළකින් පිසලමි
සැතක් ගෙන තියුණු ලෙස ඔබ සිදුරු කළ තැනින්
ප්රේමයේ සඳ බිඳක් ගල්වමි
අතක් ගිලිහුණු තැනින් අඩක් පිරි විත තබා
යා යුතු ම මග හෙමින් ඇවිදිමි
04-02-17
