ගාසා ව මෙන් ඇවිළෙන දිවි මග මෙතෙක් ඇවිද
නාසා මිතුරු වදනක් ඔහොම ඉන්නට හැකි ද
පාසා ගෙවෙන මොහොතක් වෙහෙස වූවා මදි ද
මේ සා විසල් ලෝකයෙ ඔබට හොඳට ම තනි ද
කොතෙක් නම් දුර දිව්වත් ලෝකය ම එතැනමද
මෙතෙක් ආ මඟ බැලුවොත් ජීවිතය තව දුර ද
පොතක් විඳ ගන්නා සේ ඉතිරි පිටු කියවමු ද
හිතක් පිරිමැද විමසමි ඔබට හොඳට ම තනි ද
අතින් අර ගත් මීවිත හැළුණු තැන් කොපමණ ද
හිතින් ගිලි ගිලි කිමිදී ගැඹුර පසඳිනු හැකි ද
ඉතින් ජීවිත සිතියම මේ දැන් මෙතැන නොවෙද
අතින් අත් අල්ලා ගෙන මේ ටික දුරත් යමු ද
15|05|2020
Painting by Olga Schibli
