මට හිතෙන්නෙ ම ඔබ හොඳින් ඇති...

මට හිතෙන්නෙ ම

ඔබ හොඳින් ඇති...

කවිත් නැති 

අවි අමෝරා ගත් අයත් නැති 

එළිය නැති අඳුරත් නැති

දුරක, මන්දාකිණියක ඇති

දුකත් නැති සතුටත් නැති 

මදහසක් මුව අග ඇති

ප්‍රේමයත් ශෝකයත් 

අන්තිම ඇඟිලි තුඩෙනුත් අත්හැර 

නිවී සැනසී ඇති...

ඔව්,

මට හිතෙන්නෙ ම

ඔබ හොඳින් ඇති...

08-06-17

#දිළිසෙනපියවර #සමර

සමර

එක මලක්

පිපෙයි පරවෙයි 

එක වරක්

කවුරු දන්නෙද

ඒ මල ම

ඇතැම් විට

පිපෙනු පරවෙනු ඇත 

සියවරක්

06/08/2016

සමර*-සමර විජේසිංහ කවියා

#දිළිසෙනපියවර #සමර #සමරසැමරුම

නික්ම යාම i

මල් සහ කොළ 

ගිලිහුණු පසු ද 

පොත් තුළ දමා

සුරැකිය හැකි

නික්ම යන අය

එහෙම නැති

සළකුණක් වත් 

නො තබාම

ගිළිහෙති

11-02-2016