Monday, August 22, 2016

ඇතැම් විට...




ඇතැම් විට 
ලද කුඩා ඉසිඹුවක
පැරණි පිය සටහන් නැති
නැවුම් මිහිදුම් මාවතක
ඇවිද එන්නට මට
හදිසියෙන් මෙන් 
සිතෙන්නට හැක

අතුරා තබනු මැන
නො ඇසූ සියලු පැන
දම්පැහැ කැලෑ මල් මත
රැගෙන යනු පිණිස මට

නිදහස් ය ඔබ එවිට
සියලු පැන සහ
නො ලද පිළිතුරුවලින්


17-08-16

නම





අපේ පුතුට
දමන්නට සිටි
ඔබටවත් නො කියූ නම

ඔබත් නැති
පුතෙක් නැති
නමක් විතරක් ඇති

17 -08-16




Sunday, August 7, 2016

සමර





එක මලක්
පිපෙයි පරවෙයි 
එක වරක්
කවුරු දන්නෙද
ඒ මල ම
ඇතැම් විට
පිපෙනු පරවෙනු ඇත 
සියවරක්

06/08/2016


සමර*-සමර විජේසිංහ කවියා

#දිළිසෙනපියවර #සමර #සමරසැමරුම