Tuesday, April 30, 2013

වසන්තය, වේදනා හිම මත




වසංගං හිටපු මල් මත
තබයි උස් තුරු මුදුන් පිනි කැට
විතැන් වී මල් පුරන ගහටත්
වසන්තය ඇවිදින් හිතවත

මන්ද්‍ර ස්වරයෙන් ඉකිබිඳ
යන්න යන විට සිසිරය
නින්ද නැති කොට හෙමින් විමසයි
බින්ද හැකිවෙද හිම වැටුණු මතකය

පෑදෙනා විට අහස් කඩතිර
පීදෙනා වසන්තය මුව විට
හිඳීවිද රළ රැළිති නො නඟාම
වේදනා හිම මිදුණු ගඟදිය

අරන් ඔබ එන්න එක අතකට
කහපාට ෆෝසයිතියා* මල් මිට
ඈත දුර බිම්වලින් නැග එන
සුපෙම් ගී අරන් තව අතකට

වසංගං හිටපු මල් මත
ලියයි මද පවන සිය පෙම් පත
විතැන් වී මල් පුරන ගහටත්
වසන්තය ඇවිදින් හිතවත

*ෆෝසයිතියා(Forsythia) යනු වසන්තයේ එළඹුම සනිටුහන් කරමින් පිපෙන කහපාට මල් වර්ගයකි. 

[ඡායාරූපය | මංජුල වෙඩිවර්ධන]


2 comments:

  1. හරිම ලස්සනයි, වසන්තයේ මිහිර කොයි තරම් සුන්දර ද?

    ReplyDelete